Соңгы вакытта үзенең хисле җырлары белән популярлашып киткән Илнат Фәрхуллин концерт вакытында тамашачы өстенә сикергән. Ул «Күбәләк» җырын тыныч кына башкара алмый, әле бию хәрәкәтләре белән шаккатыра, әле «очып күрсәтә».
Социаль челтәрдәге сәхифәсенә куйган яңа видео астына «күбәләк очты» дип язган җырчы. Видеода күренгәнчә, җырчы дискотекада чыгыш ясаган һәм, кулларын җәеп, яшьләр өстенә сикергән. Аны яшьләр тотып калган һәм кире сәхнәгә бастырып куйганнар.
Видеоны караучыларның күпчелеге рәхәтләнеп көлгән смайликлар һәм «ут» билгесе калдырган.
«Дөрес үк очмадың. Калган концертларда да кабатларга кирәк», – дигән комментарий да бар.