«Казан егетләре»нең элеккеге солисты Илнат Фәрхуллин төркемдә бию хәрәкәтләре белән аерылып тора иде. Хәзер ул үзе генә актив иҗат итә, чыгышлар ясый, һәм биюе дә шактый кыюланды.
Җырчының «Татар радиосы»ның туган көнендә «Күбәләк» җырын җырлагандагы хәрәкәтләре күпләрне шаккатырган. Социаль челтәрләрдә аның биюен «человек-паук» һәм «төнге күбәләк» хәрәкәтләре белән тиңләгәннәр
«Илнат, пәрәвез җепләре җибәрүдән тукта инде», «Кичә син дә төнге күбәләк булдың ахры. Шәп хисләнәсең», «Комментарийлар артык» дип язганнар, ә күпчелек төрле смайликлар юллаган.
