«Риваять» ансамбле солисты, музыкант, алып баручы Илмир Ямалов дүртенче тапкыр әти булачак. Бу хакта Илмир «Шәһри Казан» газетасына әңгәмәсендә әйткән.
Илмир Ямалов белән тормыш иптәше Рузия өч бала – уллары Раян, Рияз һәм кызлары Рузинәне үстерәләр. Рияз әле гыйнвар аенда гына туган иде. Бәхетле гаиләнең дүртенче сабыйлары да киләсе елның гыйнвар аенда, абыйсы Риязның туган көненә бүләк булып дөньяга киләчәк.