Илгиз Зәйниев Камал театрында Нәкый Исәнбәт комедиясен куя. Төп рольдә - Эмиль Талипов

Камал театрының сәнгать җитәкчесе Илгиз Зәйниев Нәкый Исәнбәтнең «Портфель» пьесасына алынган – бүген театрда әсәрнең беренче читкасы.

Режиссер төп рольгә – Хизбулла Төхфәтуллин роленә Татарстанның атказанган артисты, Тукай премиясе лауреаты Эмиль Талиповны алган. Спектакльдә шулай ук, Искәндәр Хәйруллин, Ләйсән Рәхимова, Миләүшә Шәйхетдинова, Алмаз Гәрәев, Фәннүр Мөхәммәтҗанов, Алмаз Сабирҗанов, Олег Фазылҗанов һәм башкалар катнаша.

Нәкый Исәнбәт - Илгиз Зәйниевның яраткан авторы. Ул бу пьеса турында күптән уйланып йөргән, аны башка театрларда кую планнары да булган.

• Нәкый Исәнбәт «Портфель» сатирик комедиясен 1929 елда язган.