Илдар Хәкимов һәм Гүзәл Уразова Россия көненә багышланган концертта яңа җыр башкарды
«Зур Россиядә көчле Татарстан булып яшәргә насыйп булсын», - диде Гүзәл Уразова.
Татарстанның халык артисты Гүзәл Уразова һәм Татарстанның атказанган артисты Илдар Хәкимов Казан халкын һәм башкала кунакларын Россия көне белән тәбрикләде.
Җырлы гаилә Казанның «Гаилә» үзәгендә Россия көненә багышланган концертта өр-яңа җырларын беренче тапкыр башкарды. "Яратам шул, бәгырькәем, яратам", - дип җырладылар алар.
«Зур Россиядә көчле Татарстан булып яшәргә насыйп булсын», - диде Гүзәл Уразова.
Җырчы «Нигә генә», «Солтаным», «Эзләдем», «Өзелде аралар», «Ромашкалар» һәм башка җырларын башкарды.
Татарстанның атказанган артисты Илдар Хәкимов «Син генә кирәк» җыры белән чыгыш ясады.