Хөрмә яратучы нәни малайга табиблар тугыз сәгать операция ясаган
Баланың ашказанында 250 грамм чамасы авырлыктагы төен барлыкка килгән.
Кытайның Фуцзянь провинциясендә биш яшьлек малай хөрмә ашый. Дүрт җимешне ашап бетергәч, аның эче каты итеп авырта башлый. Әти-әнисе куркуга кала һәм баланы хастаханәгә китерәләр. Бу турыда «Вести» каналы хәбәр итте.
Хастаханә табиблары балага УЗИ ясый һәм авырту сәбәбен таба. Баланың ашказанында 250 грамм чамасы авырлыктагы бер төен барлыкка килгән. Аның озынлыгы 7 см, киңлеге 3 см була.
Табиблар аңлатканча, хөрмә бик авыр үзләштерелә. Аның составындагы кислоталар ашказанындагы аксымнар һәм клетчатка белән реакциягә кереп, бик тыгыз төен барлыкка килгән.
Бу төенне ваклау өчен табибларга 9 сәгать тырышырга туры килә. Хәзер бала исән-сау, аны өенә кайтарып җибәргәннәр, диелә хәбәрдә.
- Хөрмә ни өчен авызны бөрештерә?
- Нинди ризыклар организмдагы кальцийны бетерә?
- Организмны кислородка баета торган унтугыз ризык