Телевидение йолдызлары Гөлназ һәм Данил Гыйниятовларның өйләнешүләренә 27 ел тулган. Бу уңайдан Гөлназ социаль челтәрләрдә пост урнаштырган.
«Күңелем тынычлыгы. 1995 елның 11 августыннан бирле гел «әйе», «риза» дип кенә торам», – дип язган алып баручы.
Гөлназның дуслары да матур парны бәйрәмнәре белән тәбрик итә.
«Яратабыз сезне, бик матурлар»;
«И җаныкайларым, тагы шулай бик күп еллар «әйе» дип әйтергә насыйп итсен. Матур һәм бәхетле, мәхәббәтле тормышта яшәргә язсын Ходай»;
«Гөлназ, синең кебек ярата белгән кешеләрне, мөгаен, бүген Кызыл китапка кертергә кирәктер. Мәңге кадерле кешеңә кадерле булып яшә»;
«Алтын туегызны да шулай бәхеттә-сөенечтә каршыларга насыйп булсын»;
«Искиткеч матур пар сез. Аллаһы Тәгалә сезгә озын, матур, бәхетле, тыныч тормыш бүләк итсен. Оныклар үстереп, аларның туйларын күрергә язсын», – дип бик күп изге теләкләр калдырган дуслары.
Фото: © Гөлназ Гыйниятованың социаль челтәрдәге сәхифәсеннән