Габделфәт Сафинның улы өйләнгән - фотолар
Мәҗлестән видеолар белән Рузилә Сафина һәм журналист Нәзилә Хуҗина бүлешә.
Бүген җырчы Габделфәт Сафинның улы Зөлфәтнең туе. Мәҗлестән видеоларны инстаграмга җырчының тормыш иптәше Рузилә Сафина урнаштырган. Шулай ук журналист Нәзилә Хуҗина да сторисларында кызыклы фото-видеолар белән бүлешкән.
Рузилә Сафинаның сторисларында Габделфәт Сафинның чәчәк бәйләмнәре алуы, туйга китәргә җыену мизгелләре күренә. Кәләшнең әнисе яшь парга үзенең матур теләкләрен юллый.
Нәзилә исә, туйның иң шәп мизгелләрен күрсәткән. Кунаклар бер минут та утырып тормыйча, җырлап-биеп күңел ача. Чөнки мәҗлесне Фирдүс Тямаев кыздыра. «Янып яшәгез, яратылып яшәгез. Бер-берегезне саклагыз. 9 айдан бәби чәендә күрешербез», — дип шаярта ул.
