Гөлшат Имамиевадан ит бәлеше рецепты

Татарстанның атказанган артисты Гөлшат Имамиева гаиләсендә бәйрәмнәрдә ит бәлеше пешерү гадәти күренешкә кергән. Артист ханым үзе пешерә торган бәлеш рецепты белән уртаклашты.

Камыр өчен:

• 1 ст. сөт
• 1 ст. якын сыек май
• 2 аш калагы шикәр комы
• ярты аш калагы тоз
• 1 аш калагы майонез
• он

«Мин чүпрәсез төче камырга ясыйм. Чүпрәле йомшак камыр яратучылар камырга бераз чүпрә сала ала. Камыр кулга ябышмаслык булганчы он салам. Эчлегенә мин күп итеп ит турыйм. Кем нинди ит ярата инде. Яртылаш үрдәк һәм каз итен салырга була. Ит янына бәрәңге һәм суган саласы», — дип сөйләде артист ханым.