Фирдүс Тямаевның әнисе Казанда улы гаиләсендә кунакта. Алар кичләрен сөйләшеп утыра, бу ихлас сөйләшүләрне җырчы видеога төшерә.
Фирдүс Тямаев балачагында үзәгенә үткән әйберләр турында әйтте
Шундый видеоларны караучы бер кеше «Әниегезгә яңа күлмәк алыгыз инде, гел бер халаттан» дип язып калдырган. Җырчы бу хакта әнисенә әйткәнен дә видеога төшергән.
«Әни, сәлам! Хәлләрең ничек?» – дип, иртән әнисенең бүлмәсенә керә Фирдүс.
«Әни, халатыңны алмаштыр, бизәнеп, матур күлмәк киеп куй, яме. Терлек карарга да шулай йөр, яме. Бу пижамаңны да алмаштыр, яме. «Әниең гел бер халаттан йөри, күлмәге юкмы әллә» дип язган анда берәү», – дип көлә-көлә сөйли җырчы.
«И Аллам, дөнья тулы тиле. Дөнья тулы тиле», – дип кабатлый башка эшләре булмауга аптыраган ханым.