Татар эстрадасының иң энергияле җырчысы Фирдүс Тямаев виртуаль дусларына калкансыман бизендә шеш булуы һәм Онкология үзәгендә тикшеренүе турында хәбәр итте.
Күрәсең, әллә артистның күңелен күтәрергә теләп, әллә чыннан да аның концертына эләгү хыялын чынга ашырасы килеп, бер тамашачысы «үтенеч» белән мөрәҗәгать иткән.
«Әле мин сезнең концертыгызга бармадым. Үлә күрмәгез», – дип язган ул. Аңа кушылып башкалар да «мин дә әле концертыгыздпа булмадым» дип яза башлаганнар.
Бө хәбәрләр җырчының кәефен күтәргән. «Бу – иң яхшы теләк. Сүз юк», – дип тә язып куйган артист.
