Фирдүс Тямаев Ринат Мөслимовны искә ала: «Бәхил бул, озатырга бара алмадым...»

Бүген, бик күп популяр җырлар авторы Ринат Мөслимов вафат булды, дип хәбәр иткән идек.

Ринат Мөслимов Фирдүс Тямаевның иҗатташ дусты, күршесе булган. Җырчы аны социаль челтәрләрдә җылы итеп искә ала. 

«Эх, күрше. Бүген минем якын дустым, шагыйрь, чын кеше арабыздан китеп барды. Ринат абыйның 4 шигыренә җыр яздым. Рәхмәт сиңа, Ринат абый, миндә төзелеш барганда, һәр көнне кереп хәлемне белә идең. Һәр көнне үзеңә алып кереп, өстәл әзерләп кунак итә идең. Операция вакытында: «Энем, төзелешеңне туктатмыйсың», – дип, акчалар биреп тордың, ярдәм иттең. 

Соңгы тапкыр Марат Мухин концертына бергә барып, бергә кайттык. Кайткач, капка төбендә «Ялгыз торна»ны бер генә тыңладың да кереп киттең. 

Ринат абый, рәхмәт сиңа миңа эшләгән игелекләрең өчен. Бәхил бул, озатырга бара алмадым...» – дип яза Фирдүс. 

• «Өйдә буран булмасын», «Гафу ит» җырлары авторы Ринат Мөслимов вафат