Фирдүс Тямаев Азат Фазлыевның яңа клибын карагач: «Тор, простатит эләктерәсең»
Татар эстрадасы җырчыларының клипларында яңа мода – «яңгыр яудырып клип төшерү». Быел чыккан клиплар арасында беренче булып Гүзәл Уразова кызы Камилла белән «яңгыр яудырды», аннары Илнат Фәрхуллин «яңгыр» астында «Ялган мәхәббәт» клибын төшерде.
Хәзер Азат Фазлыев та «Син калдырма» җырына «яңгырлы» клибын тәкъдим итә.
«Мин синең җырларыңны гел шушы кыяфәттә көтәм», – дип язган җырчының иҗатына мөкиббән тамашачы.
«Сез туңмадыгызмы?» – дип кайгыртучыга «Иҗат корбаннар сорый», – дип җавап биргән Азат Фазлыев.
Азат өчен бигрәк тә иҗатташ дусты Фирдүс Тямаев кайгырган. «Тор, простатит эләктерәсең», – дип комментарий калдырган ул.