Гүзәл Уразова белән уртанчы кызы Камилла Хәкимова «Яңгыр» җырына төшерелгән яңа клипны тәкъдим итте. Клипны җырчының ютуб каналында карарга була.
«Яңгыр» җырының авторлары — Асия Юнысова, Айдар Тимербаев.
Иҗади гаиләнең виртуаль дуслары клипны яратып караган.
Комментарийларда клипның шәп булуы турында язылган, шулай ук җырчының кызына аерым атап язылганнары да бар.
«Камилла, сандугач баласы», «Камилла, бигрәк матур», «Тавышы әнисенеке кебек матур», «Бик талантлы, үзенчәлекле гаилә, бик тырышлар, аларга карап сокланам, иҗатларын яратам», дип язган инстачылар.
