Фирдүс Тямаев, коронавирус сәбәпле, концертларын күчерә
Җырчы Башкортстандагы концертларын өченче тапкыр күчерә.
Фирдүс Тямаев коронавирус аркасында Башкортстандагы концертларын күчерә. Ул үзенең Instagram сәхифәсендә Нефтекамск һәм Туймазыдагы концертларның күчерелүе турында хәбәр итә.
«Хәерле көннәр дуслар! Бер яңалык әйтәсем килә. Нефтекамск, Туймазы, сездәге концертларны күчерергә туры килә. Сездә мәдәният йортларын яптылар. Кәефләрне төшермик. Мәдәният йортлары ачылгач, килербез, Алла теләсә», — ди җырчы.
Тямаев алынган билетларның гамәлдә калуы турында әйтә. Концертлар инде өченче тапкыр күчерелә икән. «Иң мөһиме — чирләмәгез. Очрашуга кадәр!», — ди ул.
