Фирдүс Тямаев белән эшләгән Гөлзада Шакирҗанова Салават Фәтхетдинов төркеменә күчкән
Гөлзада бу ел башында үзенең Фирдүс Тямаев төркеменнән китүе турында сөйләгән иде.
Фирдүс Тямаев төркемендә эшләгән Гөлзада Шакирҗанова Салават Фәтхетдиновның җыр театрына күчкән. Бу хакта җырчы үзенең инстаграм сторисларында сөйли.
Шушы көннәрдә Гөлзада үзенең кире Казанга күченүен хәбәр иткән иде. Бүген исә инстадусларына икенче яңалыгын да әйтте. Гөлзада беренче тапкыр Салават Фәтхетдиноның УНИКС концертлар залында барган концертында чыгыш ясаган.
Гөлзада бу ел башында үзенең Фирдүс Тямаев төркеменнән китүе турында язган иде. Җәй көне ул бу адымы турында "Интертат" хәбәрчесенә "җеннәрем котырткандыр, ни генә уйладым икән. кире Фирдүс абыйга кайтам", - дип комментарий бирде. Күрүебезчә, Гөлзада барыбер башка иҗат офыклары сайларга булган. Ул хәзер Салават җыр театры белән иҗатташлык итәчәк.
