Украинада БТР куып алып китеп танылган Башкортстанның Тәтешле районы егете Фәнис Хөсәеновның әнисе улы турында сөйләгән. Видеоны «Mash batash» Телеграм каналына куйганнар.
«Тәтешледән алып китәчәкләрме, Уфаданмы икәнен белмәдек. 26 июнь идеме соң, Уфага алып барып куйдык без аны. Военкоматта алып калдылар.
«Әнекәү, мин озакка түгел, тиз кайтам», – диде. Кайтыр алдыннан генералы видеоязма җибәргән. Елый-елый сөйләде. «Рәхмәт сезгә шундый малай үстергән өчен. Бик егәрле. Фәнис – гади кеше түгел, Үрмәкүч-кеше (Человек-паук). Мондый кешене үз гомеребездә беренче тапкыр күрәбез», – диде. «Тагын шундый егетләр табам», – диде. Ул видеоны югаттым инде мин», – дигән Фәридә ханым Хөсәенова.
Шулай ук әнисе Фәниснең танк куып алып китеп танылуына бик нык сөенгәнлеген билгеләп үткән. «Аның шатланганын сөйләп кенә аңлата торган түгел», – дигән ул.
- Фәнис Хөсәеновны озату: «Кечкенәдән килгән шуклыгы анда да куркырга ирек бирмәгән аңа»
- Украинада БТР куып алып киткән татар егете Фәнис: «Әни безне өйдә качып ятарга тапмаган»