2015 елда Омскида казарма җимерелү нәтиҗәсендә аякларын югалткан Уфа блогере Рөстәм Нәбиев, Эверест тавын яулап, ниһаять, туган якларына кайткан.
Блогерны Уфа аэропортында хатыны Индира, балалары, якыннары, фанатлары һәм журналистлар каршы алган. Әлбәттә инде, беренче эш итеп, Рөстәм гаиләсен кочакларга ашыккан.
«Минем төшем чынлыкка әверелде. Мине иң якын, үзем өчен иң кадерле кешеләрем каршы алды. Бүген, менә шушы җиргә аяк баскач, мин экспедициям тәмамланды дип әйтә алам», – дип яза ул, күзгә яшьләр китерә торган видео янында.
Аның әлеге экспедициясе ике айга якын дәвам итте. Рөстәм Нәбиевның тауга күтәрелүе 21 май көнне төгәләнде. Эверестка Рөстәм кулларында күтәрелде һәм тарихка мондый катлаулы юлны кулларында узарга батырчылык иткән беренче альпинист буларак керде.
- «Йөрәгем торган саен ныграк тибә» - Рөстәм Нәбиев дөньядагы иң биек тауга күтәрелү юлында
- «Туктый алмый елыйм!» - Рөстәм Нәбиев дөньяның иң биек тавын яулаган