«Эльмирага алмаш» - Рафил Җәләлиев мәҗлесләрне яңа «артистка» белән алып бара башлаган
Рафил Җәләлиев мәҗлесләрне тормыш иптәше Эльмира Гыйльфанова белән бергәләп алып бара иде. Белүебезчә, Эльмира хәзер декрет ялында. Банкетта эшлим дип, яшь әни кызларын калдырып төрле шәһәр-районнарга чыгып китә алмый. Көтеп алган кызчыкларын тәмен белеп, бик яратып үстерә. Ире Рафилгә дә ялгызына гына тырышырга туры килә.
Ләкин Рафил Җәләлиев бер дә күңелсезләнеп утырмый. Әнә соңгы мәҗлесләрнең берсендә Эльмирага алмашка «артистка» да табып куйган. Шаян видеоны алып баручы телеграм каналына урнаштырды.
«Хатыным урынына «на месте» бер «артистканы» тапкан идем. Дуэт җырлыйк дип тотынган идек, «дует» кына булды әле бу», – дип көлгән ул.