Эльмира Сөләйманованың танышы, Ерыклы авылыннан Лилия Гильманшина җырчы белән танышуы турында сөйләде:
– Без унөченче елда аның белән таныштык. Ул безнең авылга кайтып, авыл бәйрәмен үткәрде. Аны бөтен кеше яратты. Яратмый торган түгел. Аннары без аралаштык, алар безгә кунакка килеп, шулай. Ул: «Лилия апа, без дүрт бүлмәле фатир алдык, кунакка килерсез», – диде.
Концертларга һәрвакыт чакыра торган иде. Азаккы елларда инде без дингә кереп китеп, концертларга бик йөрми башладык. Хәбәрләшә идек. Әниләр көнендә мин аңа берни дә җибәрә алмадым, Дубайда калдык. Без кичә ишеттек, бик авыр кайгы булды, кичә килә алмадык, бүген килдек. Тыныч йокласын, бик яхшы кеше иде.