Түбән Кама – Чистай юлында авариядә һәлак булган кызның әти-әнисе реанимациядә ята. Бу турыда НТР 24 каналы Түбән Кама районы Сәламәтлек саклау идарәсенең матбугат секретаренә сылтама белән хәбәр итте.
Бүген Чаллыда яшәүче гаилә авариягә очравы, аларның 3 яшьлек кызы һәлак булуы, 6 яшьлек улы имгәнүен язган идек.
- Диңгезгә барырга чыккан Чаллы гаиләсе Түбән Камада коточкыч авариягә очраган
«Лада Гранта» машинасы белән идарә итүче хатын-кызга операция ясаганнар. Ул авыр хәлдә реанимациядә ята. Имгәнгән икенче кеше – бу хатынның ире. Ул да реанимациядә.
Аларның алты яшьлек улының сынган урыннары юк. Аны табиблар күзәтеп тора, диелә хәбәрдә.