Бүген Түбән Кама районында Түбән Кама - Чистай юлында, Ширәмәт авылы янында Чистайга борылышта коточкыч юл һәлакәте була. Бу турыда «Татар-информ» хәбәр итте.
Татарстан прокуратурасы белешмәсе буенча, биредә Mitsubishi белән «Лада» бәрелешә, 3 яшьлек сабый кыз һәлак була, 6 яшьлек малай имгәнә.
Якынча билгеле булганча, Чаллыда яшәүче гаилә ике нәни бала белән диңгезгә ял итәргә барырга чыга. Машина белән хатын-кыз идарә итә. Авариядә 2018 елда туган кыз үлә, 2015 елда туган малай имгәнә.
Урынга Түбән Кама районы прокуроры Ольга Купова бара. Тикшерү эшләре оештырылган, авария сәбәпләре ачыклана.
