Пластик операция ясатканнан соң җырчы Дилә Нигъмәтуллинаны танымый башлаганнар. Бу хакта ул үзенең сторисларында сөйләде.
«Дуслар, «Татмедиа»га килгән идем. Мине беркем танымый. Карап торалар, кем икәнлегемне аңлый алмыйлар.
Әле генә Ризат Рамазанов белән очраштык. Ризат та миңа сәер итеп карап тора. «Мин – Дилә», - дигәч кенә барысын да аңлап алды.
Мин шокта. Шул дәрәҗәдә үзгәрдеммени, дуслар?», – дип сораган ул язылучыларыннан.
Дилә Нигъмәтуллинаның борынына септопластика ясатуы хакында язган идек.