Диңгез буенда ял итүче Рөстәм Нәбиевкә хәер биреп киткәннәр
Блогер башта хәер биргән хатынның ниятен аңламыйча торган.
Хатыны белән Дубайда ял иткәндә Уфа блогеры Рөстәм Нәбиевкә хәер биреп киткәннәр. Бу хакта блогер көлә-көлә яңа теркәлгән телеграм каналында сөйләгән.
«Менә монда телефонны карап утырып тора идем. Яныма бер хатын-кыз килде дә, тимер акчалар калдырып китте. Мин башта аңламыйча тордым. Аңыма килгәндә ул янымнан китеп барган иде инде. Шулай итеп берничә көн утырып торсам ялыбызны акларга була икән», — дип көлгән ул.
«Хәзер блогерлар ничек яшәр дип кайгыручылар күп булды бит. Менә шулай яшәрсез», — дип шаярткан Рөстәмнең бер виртуаль дусты.
«Дөньяда изге күңелле кешеләр бетмәгән шул әле», «Хәер бирергә ниятләгән инде» — дип комментарий калдыручыларга: «Аллам сакласын, минем өчен бу бик сәер», — дип җавап кайтарган Рөстәм.
- Рөстәм Нәбиевнең хатыны Индира: «Аяксыз калгач, Рөстәм мине куды, ә мин китмәдем...»
- Рөстәм Нәбиев исән-сау килеш армиягә киткәндәге һәм фаҗигадән соңгы фотосын күрсәтте