Дини җырлар башкаручы Ильяс Халиковның хәләл тамадалар, хәләл азык-төлек җитештерүчеләр кебек үк, сертификат нигезендә эшләргә тиеш, аракылы туй алып барсалар, аларның ул документларын тартып алырга кирәк дигән фикер белдергән иде. Ильясның фикеренә каршы килүчеләр дә, аны хуплаучылар да табылды. Тамада, җырчы, журналист Альбина Бәширова тамадаларга сертификат бирү идеясе, беренче чиратта, тамадаларның үзләренә авырлык китерергә мөмкин дип саный.

Үткәнен белмәгәннең киләчәге юк, ди халык. Ата-бабаларыңны, нәсел тамырларын белү – татар халкында борынгыдан килгән матур гадәт. Ул нәсел җепләре торак пунктлар, авыл һәм шәһәрләр, табигать һәйкәлләре тарихлары белән тыгыз үрелеп бара. Шуңадырмы, нәсел җебен барларга керешүчеләр еш кына авыл тарихларын да өйрәнеп, җыелган мәгълүматларны туплап, киләчәк буынга җиткерергә тырыша.

Казанның Ирек мәйданы моннан 300 ел элек шәһәрнең чите булган. XVIII йөзнең беренче яртысында, хәзерге опера театры, Татарстан Хөкүмәте бинасы, Казан Ратушасы урынында Казансуга барып тоташкан тирән ерганаклар сузылып киткән. Борынгы Казанга Арча капкалары аша кергәннәр. Хәзер ул урында – Карл Маркс урамы, бер ягында - Казан илкүләм тикшеренү техник университетының (КАИ) уку бинасы, икенче ягында Бөтендөнья татар конгрессы Башкарма комитеты офислары урнашкан.

Татарстанның Балтач районы үзәгендә яңа зират узган елның июнь аенда ачылган. Тик бүгенге көнгә кадәр анда бер кеше дә җирләнмәгән. Безгә килеп ирешкән мәгълүматлар буенча, яңа зиратта кешеләр күмелмәүгә халык арасындагы сүзләр сәбәпче. Имеш, яңа зиратка беренче күмелгән кешенең бөтен нәселе корый...