Данир Сабировның хатыны Миләүшә нәни бала белән фотога төшкән һәм бәби алып кайту теләге уянуы турында язган.
«Кулыма нәни бала алдым һәм янә аналык хисе уянды. Өченче бала алып кайтырга әзер микәнни мин?» – дип язган ул.
«Миңа калса, ул инде көмәнле» дип язган берәүгә «яңа гына липосакция (косметик операция) ясатты бит» дип җавап биргән икенчесе.
«Уянган вакытта кызуында суксаң гына! Күбрәк уйлый башласаң», «Әлбәттә, өченчесе кирәк инде», «Малай кирәк. Син яшь әле, кызларың зур инде. Сез – яхшы ата-ана. Ата-аналары «йолдыз» булуга карамастан, кызларыгыз тыйнак», «Бер малай алып кайтырга күптән вакыт инде», «Нәсел дәвамчысы кирәк инде», «Данирга иптәш кирәк инде», – дип, киңәш-теләкләрен язган иҗади гаиләнең виртуаль дуслары.
Малай темасына Данир Сабиров концертында да сөйләгән иде.
«Социаль челтәрләргә гаилә фотосын куйсам, «сезгә бер малай кирәк инде» дип язарга тотыналар. «Малай, малай» дип, башка кереп «оялый» ул. Ул малай, миңа караганда, халыкка күбрәк кирәк кебек тоела башлый. Һәр ир үз гомерендә агач утыртырга, өй салырга, малай тәрбияләргә тиеш, диләр бит инде. Агачлар яратам мин – күп утырттырдым, өйне дә осталар яллап салдырттым. Әллә, минәйтәм, малайны да берәрсеннән...» – дип көлдерде ул.
Комментарийларны укысаң, чыннан да, Данир Сабиров хаклы, дип уйлап куясың. Халык артистның малае булуын тели!