Җырчы һәм юмор остасы Данир Сабировның хатыны Миләүшә, кайнанасы белән бергәләп, кабак тәкәсе пешергән. Ул бергә әзерләүләрен социаль челтәрләрдәге сәхифәсендә күрсәтте.
Эчлеге: кабак, тары ярмасы, йөзем.
- Кабакны чистартып, вак итеп турарга;
- Тары ярмасын чама белән генә салырга һәм тозлы суда бүрттерергә;
- Йөземне юарга һәм барысын да шикәр комы белән болгатырга.
Камыр рецепты (өчпочмаклар, зур бәлеш өчен дә бара): 1 бокал җылымса суга ярты стакан үсемлек мае, бераз гына тоз һәм он салып камыр әвәләргә.
Ашларыгыз тәмле булсын!