Данир Сабировны нәрсә шулай дулкынландыра дисәк, ул да дусты Рөстәм Нәбиевтән калышмыйча, таулар яуларга җыена икән. Артист телеграм каналында Эльбрус тавына менәчәге турында хәбәр итте.
Минем өчен бүген бик дулкынландыргыч көн. Алдагы җиде-сигез көн шундый булачак. Кузгалам Эльбруска. Тауга менеп җитәрменме, юкмы, белмим. Аллаһы Тәгалә көч-куәт биреп торса, сезнең теләкләр белән мин ниятемә ирешергә тиеш», - дип яза ул.
Күпчелек дуслары Данирга уңышлар һәм хәерле сәфәрләр теләгән. Кире уйларга үгетләүчеләр дә бар.
«Нәрсәгә кирәк иде ул сиңа, җаныкаем. Алла сакласын. Синең иҗатың карап туймаслык. Нәбиевкә кирәк ул, ә без сине болай да яратабыз»;
«Данир, ташла, нигә ул сиңа, син болай да югарыда бит инде», «Миләүшәдән башка нишләп бетәрсең икән», - дип борчылганнар.
Данир, Индира-Рөстәм Нәбиевләр белән Казбекка менәсең калган, юмор остасы компаниясендә аларга да күңеллерәк булыр иде.