COVID-19 белән чирләгән аналарның балалары баш мие авыруы белән туган

Дөньяда әниләре коронавирус белән авыру аркасында баш мие зарарланган балалар туу очраклары теркәлде, дип яза Kazanfrst.

Әниләр ковид белән йөклелекнең икенче триместрында, 2020 елда, вакцина алу мөмкинлеге булмаган вакытта авырганнар. Сабыйларда баш мие авыруы вирусның балага плацента аша үтеп керүе аркасында килеп чыккан.

Майамида яңа туган 2 баланың көзән җыерулары булган. Соңрак аларның үсештә тоткарлыклары барлыгы ачыкланган. Балаларның берсе 13 айда үлгән, икенчесе хосписка урнаштырылган.

Яңа туган сабыйларда ковид булмаган, ләкин аларның канында антителаларның югары дәрәҗәсе табылган.