Бүген иртән Чаллы янындагы трассада фура белән «Газель» янып беткән, 15 чакрым бөке барлыкка килгән, дип хәбәр иткән идек. «Челны онлайн» паблигы язуынча, хәвефкә юлыккан машиналарны алып киткәнчегә кадәр, юлның Чаллыга кайта торган ягы тулысынча ябылып торган, ә халык 8 сәгать бөкедә утырырга мәҗбүр булган.
Шушы вакыт эчендә юлчыларга нәрсә генә күрергә туры килмәгән. Мәсәлән, алар бер кызның туктап торган машиналар арасында табличка тотып йөреп, үзенә ир эзләү күренеше шаһитлары булган.
Социаль челтәрләрдә әйтелгәнчә, кыз, ир-атлар янына килеп, үзенең ошыймы-юкмы икәнлеген сорашкан.
