Блогер Миләүшә Зарипова яшь иренең элеккеге хатыны турында: «Безнең акчага яшәргә тели»

Инвалид коляскасында утырырга мәҗбүр булган блогер, эшмәкәр Миләүшә Зарипова язылучыларының сорауларына җавап биргән. Аларның күпчелеге блогерның шәхси тормышына кагыла.

«Айнурның беренче хатыны сезнең тормышны күзәтеп бармыймы?» – дигән сорауга ул: «Безнең, эшләгәч, берәүне дә күзәтергә вакыт юк. Ә ул, әлбәттә, күзәтә. Эшләргә яратмагач, аның күзәтергә вакыты күп. Безнең эшләгәнне күзәтеп, безнең акчага яшәргә тели», – дип җавап биргән .

Искәртеп үтик, Миләүшә Зарипова 2 ел элек беренче ире белән аерым-аерым тора башлады. Шуннан соң үзеннән 7 яшькә яшьрәк Айнур исемле ир-ат белән кушылды. Айнур аерылган, аның 2 баласы, ә Миләүшәнең беренче иреннән кызы бар.

Блогер шәхси тормышы белән социаль челтәрдәге сәхифәсендә бүлешеп тора. Кичләрен яшь иренә кыздыра торган мазь белән массаж ясаганын күрсәтә. Бу араларда алар мебельләрен алыштырырга җыеналар.

Инвалид коляскасындагы блогер Миләүшәнең, кияүдә чагында, икенче иргә гашыйк булуы турында язган идек.