Тимур Даутов – кичә Иделдә баткан теплоходтагы пассажир хатынның ире. Ул әлеге фаҗига турында «Татар-информ»га сөйләгән.
«Хатыным дуслары белән туган көн уздырырга барган иде. Көймә Идел буеннан китте. Башта утрауга кадәр 50 минут барганнар. Шунда бәйрәм иткәннәр, аннары кабат көймәгә утырганнар. Шул чакта хатыным миңа шалтыратты. Китеп баруларын әйтте», – ди Тимур.
Аннары хатыны кабат Тимурга шалтырата. Ул теплоходның авышуын һәм бата башлавын әйтеп өлгерә. «Хатыным батуларын әйтте. «Без – суда», диде», – ди Тимур.
Якында гына баржа була. Ир-атлар коткару жилетлары кия һәм сапбордлар белән суга кереп китәләр.
Берничә кешене көймәләр коткарды, күпләре баржага кадәр йөзеп килде. Беркем дә имгәнмәде. Шокны санамаганда. Стресс булды», – ди Тимур.
- Иделдә баткан теплоход пассажирларын узып баручы көймәләрдәге кешеләр коткарган
- Иделдә теплоход батканннан соң беренче минутларны видеога төшереп алганнар