Кичә кичке алтыларда Югары Ослан районы тирәсендә Идел елгасында «Аркадия» ял теплоходы һәлакәткә очрау турында билгеле була. Бу турыда «Татар-информ» Гадәттән тыш хәлләр министрлыгына сылтама белән хәбәр итте.
Бортта 34 кеше булган. Аларны узып баручы көймәләр, баржа һәм «Добрый» теплоходы коткарган. Аннары барысын да елга портына алып кайтканнар.
Теплоход тулысынча су астына киткән, әйләнеп капланган. Су өстендә аның төбе генә күренеп калган.
Аракчино пристане тирәсендә булган фаҗигадә һәлак булучылар юк, диелә хәбәрдә.
Идел буе транспорт прокуратурасының якынча белешмәсе буенча, борттагы 34 кешенең берсе дә зыян күрми, аларны узып баручы катерлар һәм көймәләр коткара, дип яза «Татар-информ».
- Иделдә теплоход батканннан соң беренче минутларны видеога төшереп алганнар