Мәскәүдә нәни баласын 11нче кат тәрәзәсеннән урамга ыргыткан 26 яшьлек хатынны сак астына алганнар. Ул гаебен таный, тик үкенми. Бу турыда «Вести» каналы хәбәр итте.
Тикшерү комитетының матбугат хезмәте белешмәсе буенча, хатын 1 яшьлек баласын тәрәзәдән ыргыта. Бала исән кала, тик соңыннан табиблар кулында вафат була.
«Тикшерүчеләр Мәскәүдә баласын үтерүдә гаепләнүче хатыннан сорау алды. Ул гаебен таный. Урында күрсәтмәләр бирде, ләкин үкенү сүзләрен әйтмәде, бу көндә булган вакыйгалар турында җентекләп сөйләп бирде», – дигәннәр Тикшерү комитетында.
Аңа карата җинаять эше ачылган, экспертизалар билгеләнгән.
Матбугат чаралары белешмәсе буенча, җинаять кылган чакта, бу хатын аерылышу белән бәйле проблемалар аркасында чыккан гаилә хәлләренә борчылган булган.
«Гаепләнүче хатын суд утырышында үзенә карата сак астына алу турында чикләү чарасы билгеләүгә каршы килмәде. Хатын-кыз гаебен таныды. Баласын үтергәндә аңлап эшләвен әйтте», – дип сөйләгәннәр прокуратурада. Бу турыда «Вести» каналы хәбәр итте.
- Башкалада әни кеше нәни баласын унберенче кат тәрәзәсеннән урамга ыргыткан.