Мәскәүдә бер хатын-кыз баласын 11нче кат тәрәзәсеннән ыргыткан. Бала исән калган. Бу турыда прокуратурага сылтама белән РИА Новости яза.
Мәскәүнең көньягында йорт тәрәзәсе астында бала табылганнан соң, прокуратура тикшерү башлаган. Бер яшьлек сабыйны анасы тәрәзәдән ыргыткан булуы ихтимал, дип хәбәр иткән башкаланың күзәтчелек ведомствосы.
Якынча белешмә буенча, баланы анасы 11нче катта урнашкан фатир тәрәзәсеннән ыргыткан. 2021 елда туган бала авыр хәлдә хастаханәдә, диелә хәбәрдә.
26 яшьлек хатын фаҗига вакытында фатирда була. Прокуратура балигъ булмаганнар турында федераль закон таләпләре үтәлешен тикшерә. Аннары тиешле чаралар күреләчәк, диелә.
Соңрак РИА Новости хәбәр иткәнчә, баласын тәрәзәдән ыргыткан анага карата җинаять эше ачылган.
Тикшерү версиясе буенча, 8 ноябрьдә бу хатын «аз әһәмиятле булган сәбәп» аркасында, нәни кызын кулына ала, тәрәзә янына килә һәм 11нче кат биеклегеннән ыргыта.
Табиблар баланың гомерен саклап калу өчен тырыша. Хатынның үзен дә хастаханәгә салганнар.
Фатирда газ да яндырылган булган, диелә хәбәрдә.