Баласын Мәскәүгә илтеп сатарга җыенган Казан хатынының туганнары: Сабый югалды

Казанда баласын сатарга җыенган хатынның туганнары сабыйның югалуы турында сөйли. Бу турыда «Татарстан 24» телеканалы хәбәр итте.

Эвелина исемле 26 яшьлек хатын баласын Мәскәүдә 100 мең сумга сатып җибәрергә теләгән. Бу хатынның туганнары сүзләренчә, алар 2021 елның ноябреннән бирле оныкларын таба алмый. Хатынның үзен арендага алынган фатирда тоткарлаганнар. Хәзер ул Мәскәүдә СИЗОда утыра. Туганнары исә баланы таба алмаулары хакында чаң суга.

Хәзер баланың язмышын опека органнары ачыклый. Яңа туган малайның туганнары — үзен сабыйның атасы дип санаган егетнең ата-анасы да бу эшкә кушылган.

Баланы сатуны булдырмый калган волонтерлар сүзләренчә, яшь ана алдан уйлап эш иткән. 100 мең сумга сатып, баласына үлем карары чыгаруы турында кисәткәч тә, ул сабыйны сатудан баш тартмаган. 

Хәзер бу хатынның апасы раслаганча, яшь ана бала сату карарын үзе генә кабул итмәгән.

«Үзе түгел, аны шул хәлгә җиткерделәр. <…> Менә шул иптәш. Ул баланы аңа рәсмиләштергән, аннары үзендә кредит булуын да ачыклаган», — ди хатынның туганы.

Эвелина исемле бу хатынның туганнары сүзләренчә, нәкъ менә аның сөйгәненә гел акча кирәк булган. Ләкин баланың атасы дип саналган егетнең анасы сүзләренчә, эш нәкъ киресенчә булган. 

Хәзерге вакытта 26 яшьлек Эвелина Мәскәүдә СИЗОсында суд карарын көтеп тора. Ә атасы дип саналган ир-атның баланы үзенә алу теләге «шактый сүнгән», дип сөйли Эвелинаның туганнары. Алар 2021 елның ноябреннән бирле баланың кайда булуын ачыкларга, аны туган гаиләсенә ничек итеп кире алу мәсьәләсен хәл итәргә тырыша, диелә бу хәбәрдә.

• Казанда яшәүче хатын яңа туган баласын йөз меңгә сатарга маташкан
• Баласын 100 меңгә сатарга җыенган хатын: «Ирем чүплектә калдыра аласың, диде»
• Анасы Мәскәүгә илтеп сатарга маташкан баланың әтисе табылды