Динә Латыйпова Эльмира Сөләйманова белән бер чорда эшләгән җырчылар белән очрашкан.
«Балакаем! Балан ачы… Кичә, уйламаганда, татар эстрадасында Эльмира Сөләйманова белән бер чорда эшләгән җырчы дуслар белән очраштык. «И, күптән күрешкән юк, Динә апа, әйдә, каһвә эчеп алыйк әле», – дигәч, каршы килмәдем. Утыра торгач 2 сәгать үтеп тә киткән. Күп истәлекләрне яңарттык. Хатирәләр һаман Эльмирага әйләнеп кайтты. Эльмира…Үзеңә дога булып барсын, балакаем!» – дип язды Динә Латыйпова «ВКонтакте»дагы сәхифәсендә.
Җырчы тормыш иптәше Рафаэль Латыйпов белән Эльмира Сөләйманова репертуарыннан «Балан ачы шул, балам» җырын башкарган видеосын да куйган. Алар бу җырны 2023 елда Эльмира Сөләйманова истәлегенә Чаллыда һәм Казанда уздырылган концертларда башкарганнар иде. Динә Латыйпова әлеге чараның төп оештыручысы булды һәм концертны тулысынча үзе алып барды.