«Балачактан таныш иделәр» – Башкортстанда кунакка килгән үсмер кызны үтерү сәбәбе билгеле

Башкортстанның Галиәхмәт авылында 17 яшьлек кызны үтерүдә шикләнеп, 16 яшьлек үсмер тоткарланган. Әлеге җинаятьнең сәбәбе турында «Башинформ» хәбәр итте.

Агентлыкның хокук саклау органнарындагы чыганагы шул хакта сөйләгән.

«Якынча белешмә буенча, кич утырган чакта, 16 яшьлек егет, башка үсмерләр кебек үк, хәмер эчә. Бәйрәм беткәч, ул 17 яшьлек кызны машинасына утыртып алып кайтырга тәкъдим итә. Кыз белән егет балачактан таныш була. Кыз егеткә ышанган булуы ихтимал. Имеш, кыз машинада егеткә исерек булуын әйтә, аны җаваплылыкка тартулары мөмкин булуын искәртә. Бәлки, шушы тема триггер булгандыр», – ди ул.

Рәсми версия буенча, 9 августта балигъ булмаган яшьтәге үсмерләр төркеме авылдан ерак түгел урында хәмер эчеп утыра. Төнлә барысы да таралыша, егет кызны алып кайтырга тәкъдим итә. Юлда алар талаша, егет кызны кеше йөрми торган урынга алып бара һәм башына балта белән суга. Кыз үлә. Егет мәетне юлдан читкә илтеп ата, үзе борылганда, машинасын бәрә.

Тоткарланган егеткә гаепләү белдерелгән. Ул 2 айга сак астына алынган, диелә хәбәрдә.

• «Башына балта белән бәргән» – Кунакка килгән 17 яшьлек кызны вәхшиләрчә үтергәннәр