Алия һәм Ришат Төхвәтуллиннар шушы көннәрдә әти-әни булырга әзерләнсә дә, әмма бәләкәч әлегә ашыкмый.
«Барыгызга да сәлам! Әлегә үзгәреш юк. Кичә табиб янында булдым, КТГ һәм УЗИ ясадылар, барысы да яхшы. Әмма иртәгә бала тудыру йортына салырлар инде, чөнки бала туарга тиешле срок узды. Бүген иртән Ришатны 2 атналык гастрольгә озаттым», – дип хәбәр итә булачак әни.
Шушы соңгы айда җырчының язылучылары 2 төркемгә бүленгән. Беренчесе, «сезнең малайдыр», икенчесе «сезнең кыз туардыр, алар шундый» дип язып торалар икән.
«Җаваплы атнада Алияне үзен генә калдырырга курыкмыйсызмы?» – дип сорау юллаган Ришатка бер язылучысы. «Әлбәттә, куркам», – дип җавап язган булачак әти.
Фото: © Алия Төхвәтуллинаның социаль челтәрдәге сәхифәсеннән
