Бөгелмәдә янгында ир-ат һәлак булган
Бөгелмәдә шәхси йортта чыккан янгында 63 яшьлек ир-ат янып үлгән. Бу хакта Россия Гадәттән тыш хәлләр министрлыгының Татарстан Республикасы буенча Дәүләт идарәсе матбугат хезмәтендә хәбәр иттеләр.
Кичә иртән ашыгыч хезмәтләрне чакыру буенча 112 номерына Ворошилов урамы буенча 53 нче йортта янгын чыгуы турында хәбәр килеп ирешә. Килеп җиткән янгын сүндерүчеләрне күршеләр каршы алып, йортта хуҗасы булырга мөмкинлеге турында әйткәннәр. Йорт түбәсе һәм чорма өлеше өлешчә җимерелә, йокы бүлмәсен көчле ялкын биләп алган. Керү ишеге ачык булган, ялкынның күрше корылмаларга күчү куркынычы булмаган.
Янгын сүндерүчеләр берничә минуттан утны сүндерү турында хәбәр бирә. Янгынны сүндергәндә, йокы бүлмәсендә караватта хуҗаның үле гәүдәсе табыла. Янгын чыгуның сәбәбе – ут белән саксыз эш итү.