Азат Фазлыевны шашлык пешергән өчен гаепләгәннәр
Җырчы гаиләсе белән Алсуның туган йортына ялга кайткан.
Җырчы Азат Фазлыев шашлык пешерергә җыенганда төшкән фотосын куйган һәм «Кияү әбисендә кунакта», дип язган.
Инстачыларның берсе: «Әбисен шашлык белән сыйлый», - дип дәвам иткән.
«Молодцы, гел шулай кайтып хәл белеп, булышып торырга кирәк», «Карантинда ял итеп, ашап, көч җыегыз. Концертлар көтәбез»; «Хәзер, Азат, син әбиеңнең уң кулы инде», - дип комментарий калдырган җырчының иҗатын яратучы тамашачы.
Азатның шашлык пешергәненнән, гомумән, фото куйганыннан да гаеп иткәннәр.
«Авылда рәхәт шашлык пешергәндә. Ник алар авылда яшәп карамыйлар икән? Кайтканда гына рәхәт ул»;
«Бер яктан дөрес түгел, 40 көн дә булмаган бит әле. Сез фото куясыз»;
«Әкияти… Хатының булмаса, син беркем түгел… Бабай үлгәч, шашлык пешерәләрмени?» - дип усал комментарийлар язарга да тарсынып тормаганнар.
Җырчы гаиләнең иҗатын яратучылар яклап комментарийлар калдырган:
«Кеше үлгәч, ач торасы ди мәллә ул? Сезнен баштан үтмәдеме ул «югалту» дигән әйбер? Ничек кеше башында шушындый ваемсыз сораулар туа икән?»;
«Нишләп җыен чүп-чар сүзләр язасыз?! Ошамаса, карамагыз! Азат менә дигән артист, Алсуга менә дигән ир, менә дигән әти. Шашлык пешерүнең нинди гаебе бар?»;
«Азаттагы кадәр кешелек сыйфаты бик сирәк күренеш. Чәйнәп кенә утырмагыз. Аңа шакшы ябышмый»;
«Бәйләндегез инде, авыл кешеләре, сез дә китегез шәһәргә, озак тора алмассыз, кире качарсыз „авыр тормышлы“ авылыгызга».
Җырчы гаиләсенә кайгы килүен, Алсуның әтисе вафат булуын язган идек.