Аю кабердәге мәетне казып чыгарып, үзе белән сөйрәп алып киткән

Комсомольск-на-Амуре шәһәрендә аю зиратка килеп, каберләрне актарган. Кыргый ерткыч бер кабердәге мәетне казып алып, үзе белән сөйрәп алып киткән. Бу турыда ТАСС агентлыгы хәбәр итте.

Зираттагы каберне кемдер актарып ташлаганын күргән кешеләр бу турыда дежур частьта хәбәр иткәннәр.  Хәзерге вакытта вакыйганы полиция тикшерә.

Башлангыч мәгълүматлар буенча, моны аю эшләгән.

Зиратка кинолог һәм аучы барган. Алар аюны атып үтергән, ә кабердән алынган мәетне тапмаганнар. Хәзер югалган мәетне эзлиләр, диелә бу хәбәрдә.