Айгөл Бариева мәрхүм әтисен искә ала
Җырчы, Татарстанның атказанган артисткасы Айгөл Бариеваның әтисе татар халкының бик яраткан кешесе, Камал театры артисты Шамил Бариев иде.
Бүген әтиемнең киткәненә 27 ел, дип яза Айгөл Инстаграмда. Әтисе истәлегенә дип, ул төшкән видеоларны урнаштырган Айгөл.
Айгөл Бариевлар гаиләсендә бердәнбер бала. Әтисен һәм әнисен ул бер-бер артлы югалтты диярлек. Башта әтисе йөрәк белән китеп барды, җиде елдан әнисе гүр иясе булды.
"Япь-яшь килеш башта әтиемне, аннары әниемне югалткач, чәчем агарды. Шуңа мин чәчемне аксыл-сары төскә буяп йөри башладым", - дип язган иде Айгөл инстаграм постларының берсендә.
Әнисен ничек югалтканын Айгөл бәйнә-бәйнә язган иде. Үзәк өзгеч юллар ул.
Айгөл үзе Бариевлар гаиләсенең лаеклы вәкиле, әти-әнисе рухына хөрмәт күрсәтеп яши. Ире Ленар белән Камил һәм Айлинә исемле ике бала үстерә.