Җырчы МакSим үзе авыр хәлдә ята, аның клипларын төшерүче режиссер ковидтан үлде
45 яшьлек Вадим Шатровның соңгы эше «Спасибо» клибы иде.
Музыкаль продюсер һәм режиссер Вадим Шатровны Смоленск өлкәсендә җирләделәр. Бу турыда мәрхүмнең беренче хатыны «Бишенче канал»га сөйләгән.
Шатровның соңгы эше — җырчы МакSимның «Спасибо» клибы. Ул җырчы МакSимның якын дусты, аның берничә клибының авторы була.
Вадим Шатровка 45 яшь иде, ул коронавирустан үлгән дип хәбәр ителә. Аны 1 июльдә Смоленск өлкәсенең Хиславич районындагы Черепово авылында җирләгәннәр.
«Җирләүдә бик якын туганнары гына булды», — дип әйткән элеккеге хатыны.
Вадим Шатровның хатыны һәм кызы ятим калган.
- Комада ятучы җырчы МакSимның хәле начарланган, дип язган идек.