Ашказанын кистереп кечерәйттергән Гөлия Вәлиәхмәтова тагын бер операциягә әзерләнә

Композитор, аранжировщик Марат Мухинның хатыны, блогер, бизнесвумен Гөлия Вәлиәхмәтова чираттагы операциягә әзерләнә. Бу хакта ул социаль челтәрдә хәбәр итә.

«Реклама ясар өчен пластик хирургка барыр идегезме?» – дип сораганнар блогердан.

«Иң яхшы хирургка барыр идем. Начар хирург булса, реклама өчен генә түгел, өстәп акча түләсәләр дә бармас идем. Сүз уңаеннан, октябрьнең икенче яртысында күкрәк тарттыру операциясе планлаштырыла. Ул сентябрьнең азагында булырга тиеш иде, әмма, китү сәбәпле, күчерергә туры килде», – дип җавап биргән Гөлия Вәлиәхмәтова.

• Бу блогерның беренче генә операциясе түгел. Гөлия Вәлиәхмәтова ашказанын кечерәйтү буенча операция кичергән иде.