Артистлар арасында популяр фотосессия — Илназ Сафиуллин су астында фотога төшкән
Җырчы хисле видео куйган.
Җырчы Илназ Сафиуллин хатыны белән су астында туй фотосессиясе ясаган. Видеода ул ак күлмәк һәм кара чалбар кигән килеш су астында утыра, аның янына ак күлмәк кигән хатыны йөзеп килә. Видео бик хисле килеп чыккан.
«Кырыйдан караганда бик җиңел кебек, әмма бер дә алай түгел. Ә ияләшкәч су астыннан чыгасыгыз килмәячәк», — дип язган җырчы.
«Бик матур», — дип бәя биргән җырчының виртуаль дуслары.
Артистлар арасында Гөлназ Сәфәрова, Дилә Нигъмәтуллина да су астында фотосессия ясавы турында язган идек.