Арчада һәлак булган егетнең туганы мәгълүмат таратмауны сорый: «Әнисе авыр хәлдә»

Бүген Арчада фаҗигале һәлак булган 21 яшьлек егетнең туганнары «Интертат» аша массакүләм мәгълүмат чараларына, һәлакәт видеосын куючылар һәм бу турыда мәгълүмат таратучыларга мөрәҗәгать итте. Гаилә алардан видео һәм язмаларны алуны сорый. Искәртеп үтик, бетон блокларга бәрелеп үлгән егет турында сүз бара.

Һәлак булган егетнең туганнары аның гаиләдә бердәнбер бала булуын һәм әнисенең авыр хәлдә булуын әйтте.

«Язмаларны бетерегез. Әнисе авыр хәлдә. Бу – әти-әнисе өчен зур хәсрәт. Безгә хәзер бик авыр. Ул әти-әнисенең бердәнбер баласы иде», – дип язды туганы.

Гаиләнең кайгысын уртаклашабыз. «Интертат» моңа кадәр чыккан хәбәрне бетерде.