Украинадагы хәрби операциядә катнашучы 6 меңнән артык кеше гаилә сәбәпләре буенча хәрби хезмәттән азат ителде, дип хәбәр иткән «Life.ru» порталына омбудсмен Татьяна Москалькова. Бу хакта «РИА Новости» яза.
Аның сүзләренчә, хәрби хезмәттән азат итү мәсьәләсе хәрби комиссариатлар каршындагы аттестация комиссияләре тарафыннан индивидуаль тәртиптә хәл ителә.
Татьяна Москалькова гаилә сәбәпләре турында да аңлатма биргән. «Мәсәлән, хатыны вафат булып, балалары ялгыз калган яки инвалид баласы булган гаиләләрне атап була», – дип әйткән ул.
Хәрби хезмәткәрнең әти-әнисенә карау тиеш булса, хәрби хезмәттән азат итү мәсьәләсен карарга мөмкиннәр. «Һәр очракта ул мең төрле сәбәбе булган бәхәскә әйләнә», – дип билгеләп үткән омбудсмен.
Май аенда хөкүмәт Украинаның хәрби хәрәкәт зонасында һәлак булган яки хәбәрсез югалган очракта мөнәсәбәтләре рәсми теркәлмәгән гражданнарны ир белән хатын итеп тануны тәкъдим иткән закон проектын хуплады. Министрлар Кабинеты проектны бу затларның башка берәү белән теркәлгән никахта булмавы турында нигезләмә белән тулыландырырга тәкъдим итте.