Алинә Заһитованы данлыклы фигуралы шуучылар исемлегенә кертмәгәннәр
Америка порталы тарихи исемнәр арасына Евгения Медведеваны керткән.
Американың Yardbarker порталы тарихта данлыклы булган фигуралы шуучылар исемлеген төзегән. Тик бу исемлеккә Олимпия чемпионы Алинә Заһитованы кертмәгәннәр. Бу турыда «Газета.ру» хәбәр итте.
ТОП-25 исемлеген алфавит тәртибендә төзегәннәр. Анда ике тапкыр дөнья чемпионы Евгения Медведева, парлы шууда ике тапкыр Олимпия чемпионы Артур Дмитриев, ике тапкыр Олимпия чемпионнары Екатерина Гордеева һәм Сергей Гриньков, ике тапкыр Олимпия чемпионы Евгений Плющенко, өч тапкыр Олимпия чемпионы Ирина Роднина бар.
2018 елгы Олимпия чемпионы Алинә Заһитова рейтингка эләкмәгән.
- Илья Авербух Алинә Заһитова турында: «Аның матурлыгына карап сокланырга кирәк»