видеодан скриншот
Уфада Фидан Гафаровны соңгы юлга озату мәрасиме башланды. Бу турыда «Башинформ» яза.
Әлеге минутларда Башкортстанда Мәҗит Гафури исемендәге драма театрында Россиянең, Башкортстанның һәм Татарстанның халык артисты Фидан Гафаровны соңгы юлга озату чаралары бара. Бирегә мәрхүмнең якыннары, хезмәттәшләре, иҗатын сөючеләр җыелган.
Залда Фидан Гафаров җырлары яңгырый.
Мәтам чарасына Башкортстан Башлыгы Радий Хәбиров килгән. Ул Фидан Гафаровка үлгәннән соң «Башкортстан Республикасы алдында казанышлары өчен» орденын тапшырды. Бүләкне мәрхүмнең улы Азамат Гафаров алды.
- Татарстан театрлары Фидан Гафаровны озатырга бара – кар түгел, таш яуса да баручылар бар
- Башкортстан артистлары Фидан Гафаров турында: «Андыйлар 100 елга бер туа»
- Фидан Гафаров турында: «Без Фидансыз заманда калабыз, һаман саегабыз, ятимләнәбез»